MARIPOSANG ITIM

Tula ni Rado Gatchalian

Handog para kay Lina Cabaero

Makulimlim ang dapit-hapon
At nanginginig maging luntiang dahon;
Ang tuyong lupa’y may pakiusap,
Naghihintay sa pagpatak ng ulan.
Ang mariposang itim sa bulaklak at hardin
Ay paroo’t parito, maging sa lilim,
Hindi susuko, hindi mapapagod,
Lilipad nang payapa at buong lugod.

Sa iyong buhay na pinagkaloob:
Ang kagalakan ay para sa karangalan ng kapwa,
Para sa bayang nagmamakaawa,
At pakikibaka para sa mga kababaihang binusabos.
Katulad ng paglubog ng araw,
Malamig ang simoy ng hangin sa bayan,
Naroon ang iyong ngiting nanunuyo
Sa lupang iyong hahagkan nang buong-buo.

POSTSCRIPT:
Magkakaiba man ng tinahak na pakikibaka: iisa pa rin ang daluyan ng batis. Ito ang pag-ibig natin sa bayan at kapwa. Sa tuwi-tuwinang pakikipagsapalaran, patungo roon at dito, pagminsan tahimik, pagminsan may ingay: subalit may iisang damdamin at panalangin — ang makamit ang pagkapantay-pantay at katarungan lalo na sa inaapi at nalimot ng lipunan. Minsan kong nakadaupang-palad ang ating Kasamang Ate Lina Cabaero: maikli man subalit nagkausap ang aming kaluluwa at alam naming may mga bagay na hindi man mabanggit ng salita ay ganap pa ring totoo dahil ito ay nagmula sa iisang pangarap — isang bagong umaga para sa Bayang May Luha. Hindi ko rin makalimutan ang nabanggit niya patungkol sa aking tula at dahil dyan ay buong-puso kong handog ang tulang ito. Hindi na nating makikita pang muli si Ka Lina subalit tuwing makakakita tayo ng mariposa sa mga susunod na taon sana ito ang paalala sa atin na buhay pa rin ang kanyang pinaglaban para sa bayan at sa ating kapwa. RIP Ate Lina.

Source:
The FILOsopher 
August 18, 2021

Popular posts from this blog

DALAMPASIGAN SA PANUBIGAN

Image
Tula ni Jeremiah Chavez Eufemio DALAMPASIGAN SA PANUBIGAN Sa lagaslas ng dalampasigan  Doon ko natagpuan ang kapayapaan Hatid ng hampas ng mga alon At banayad na init ng dapit hapon. Sa mga puting buhangin ng Panubigan Doon ko natagpuan ang karangalan Sa matapat na araw ng pangingisda Nang dumaong ang kanilang bangka sa dalampasigan Salat man sa karangyaan ng modernong pamumuhay Sagana naman sa kasiyahan at kapayapaan Kay gandang pagmasdan, kay sarap balikan Ang dalampasigan sa Panubigan. Copyright @Jeremiah Chavez Eufemio  (2021) Sent 15 February 2024
Read more

VACCINES OF DEATH

Image
Lifted from Ed Alunan COVID VACCINES (MODERNA, ASTRAZENECA, PFIZER) --- MORE DETAILS BELOW !!! By Robert Kennedy Jr 1. All covid vaccines from the West are manufactured by US military contractors 2. And then branded and sold as either pfizer, moderna, astrazeneca, etc. IMPLICATION: ALL COVID VACCINES FROM THE WEST ARE BIOWEAPONS 3. LATER: Will upload US congressional hearings on covid vax and covid virus origins to support the claims. 2024-06-17 =========== Robert F. Kennedy Jr. details how the NSA was in charge of Operation Warspeed's COVID-19 mRNA vaccines, the history of the United States bioweapons program, and why Anthony Fauci is the highest-paid government official in history: "The weird thing about the pandemic was this constant involvement by the CIA, the intelligence agencies, and the military. When Operation Warp Speed made its presentation to the FDA committee called VRBPAC. When Warp Speed turned over the organizational charts that were classified at the time, it
Read more

Bakit Nakatungó Ang Uhay Ng Palay

Image
Tula ni Rosario Caristea Aka Rio Ramillo  Bakit Nakatungó Ang Uhay Ng Palay Nakatungo akong hindi nahihiya, Kundi sinisinop ang para sa madla, Sapagkat batid kong sa aking aruga, Laging umaasa ang bawat sikmura. Nakatungo ako sa paáng maugat, Siya at ang ako’y laging nag-uusap, Upang alagaan ang butil ng bigas, Na syang magtatawid sa bitukang humpak. Nakatungo ako sa luwad na tigang, Matapos maiga ang nagpálang linang, Laging sumasamo sa sangkalangitang, Huwag ilalakas ang buhos ng ulan. Nakatungo akong may bagbag na puso, Na nakaririnig ng inyong pagsamo, Aking hinahamak ang pagkakalugso, Nang walang hiningang sa gutom mapugto. Nakatungo ako sa araw at gabi, Kahit dinadagil ng mga tutubi, Sapagkat ang minsang malingat nang kási, Nangangahulugang gútom sa marami. Nakatungo akong kapára ng buntis Na nasa kagampang, bigat tinitiis, Aking binabatá ang gintong pasakit, Nakatungo ako dahil umiibig! ~Rosario Caristea BIGKIS NG PANITIK
Read more