Tula ni Stefanie Dancel "Hinga" Kawangis ng buwan  Nais ko ring matakpan  Itong nararamdaman  Kahit alam kong panandalian Sa mga sandaling ito Na maaring huminto  Sa magulong mundo  At sa pagod na puso Nawa'y ako'y sakluban At yakapin sa kanlungan  Nang walang pag aalinlangan  At may katahimikan.  ®Stefanie Dancel • 11:57pm | 06.06.23 | Jerusalem City, Israel Comment Magpahinga at huwag hihinto. Pawiin ang pagod, mag-isip ng matino.  Ang buhay ay tuloy sa paggulong nito.  Harapin nang may pag-asa sa puso. © Cherrie Facun Dancel  7 June 2023

Tula ni Leah C Dancel PAG-IBIG, HIMIG Tula at musika Pinag-isa sa dambana ng Pag-ibig, Himig. Himig at tunog Pinagtugma din sa Tula Sa indayog ng tugtog ng gitara,  Cello at piano. Ang malamyos na tinig Ni Rene ay pumaimbulog Sa kasaysayang kanyang minimithi Kasaysayan ng kanyang pag-ibig Na itinugon naman ni Rado Sa kanyang walang kupas Na pagmamahal sa Inang Bayan. Tula at Musika Himig at Tinig Tunog at Tugtog Pinagbigkis sa iisang indayog Ng katapatan at kagitingan. Kami ang mga saksi sa  Pusong tumitibok Nagmamahal na walang katapusan. Pag-ibig, Himig. ©Leah C Dancel Copyright ©4 June 2023 All rights reserved SH-AUSTRALIA  Photo courtesy by Rado Gatchalian

Tula ni Rolando Tinio Nalulumbay ang puno ng goma sa gilid ng bulibard At ang puno ng akasya sa likod ng goma. Mukhang uulan sa buong mundo. Wala na ang mahal ko, iniwanan ako. Nalulumbay ang tubig na laging kulay-abo At ang tatlong bapor na kulay-kalawang sa laot, At sa likod, ang ulap na parang tinggang natunaw. Wala na ang mahal ko, iniwanan ako. Nakatungo ang mga dahon ng niyog, Marahang pakampay-kampay Sa hanging humahampas, naglalarong Anaki’y mga batang walang kamalay-malay Sa talas-kutsilyo, talas-labaha ng lumbay. At naalala ko ang isang awit na puno ng hinagpis, Parang sugat na humahapdi, lalong tinitistis. At naalala ko ang wala nang mahal ko Na naparaan sa aking mundo, Parang ulap na bumitin nang ilang saglit, Saka nagpatuloy sa maraming lakad sa himpapawid At, sa tingin ko, hindi na, hindi babalik. Source: FB/via Rado Gatchalian 

Tula ni Crispulo Bacud Tappa Ang bunga ng pulo't gata, supling nagbigay saya. Sa mag-asawa'y isang malaking biyaya, sa paglaki nito ay kanilang inaruga. Ang isa ay naging labing-dalawa. Bunga ng labing-labing ng mag-asawa. Buhay sa bukid sila'y inaruga. Ang ama'y lubos  na nagsikap, kayod marino ang kanyang ginawa. Upang sila'y mabuhay ng sagana, sa biyaya ng Diyos sila'y umasa. Ang mga anak nama'y silay tulong-tulong. Sa gawaing bahay, si Ate ang nag-uurong. Si kuya nama'y sa ama sumasama Nagtutulungan sa bukid, magtanim ng punla. Sa ani nito'y sila lahat ay umaasa. Buhay sa bukid mahirap man ngunit masaya. Kakarampot man ang kita ito'y pagpapala. Malinis at walang bahid na pandaraya.  Ang mga anak iginapang  ng dakilang ama, upang ang  pangarap nila ay matupad na. O, anong ligaya ng ama't ina, isang libo't isang saya, makita ang mga anak na nagmamartsa,  sa entablado upang tanggapin ang diploma. Bitbit si ama at ina bilang pagpugay sa k...

Ni Ka Ipe Kay daming ibig sabihin   Ng ulang lumalagapak Depende sa tao, sa estado   At karanasang napagtanto Habang lumalakas ang ulang may ihip   Lumalalim naman ang baha at pag-iisip At gaya ng kapaligiran   Na napapalibutan ng kadiliman Nararamdaman ang lamig   At kawalan ng kaliwanagan Di katulad ng ulan sa madaling araw   Na ilang saglit lamang ang ilaw matatanaw Sa ulang dapit hapon at agaw-dilim   Kalungkutan ng gabi ang ramdam na taimtim Gumagalobog ang lakas ng tubig ulan   Sa bubungang metal at adobe Nagbabalik ang mga alaalang   Masakit sa puso at sa sarili'y nakaka-torpe Nag-aantay tumigil ang ulan sa takipsilim   Hanggang bukang-liwayway ang puyat titiisin Para matapos ang madamdaming yugto   Na gustong kalimutan at ayaw patali Umaasa sa isang mas makahulugan   Maligaya at makulay na bahag-hari © Epimaco Densing III #Filipino Poets in Blossoms  July 25, 2021

Photo credit to the owner  Madalas nating nararanasan Suliranin ay di maiwasan Ngunit ito'y nagagawan ng paraan Dahil ang Diyos di tayo pinapabayaan. Kapag tayo'y humiling sa Kanya Sagot Niya'y palaging nakahanda Siya'y nagpapadala ng ANGHEL SA LUPA Upang ating maramdaman ang Kanyang presensiya. Tulong  na mula sa mga ANGHEL SA LUPA Nagkakaloob sa atin ng himala Salimuot sa buhay dagling napaparam Hagod sa puso, masarap sa pakiramdam. Ipinagkakaloob Niya sa atin ng kusa Ating natatanggap na mga pagpapala Sana'y atin ding ibahagi sa kapuwa Para ang lahat ng tao ay lumigaya. Maging mapagsalamat sa Maykapal Walang-hanggan ang Kanyang pagmamahal Sa bawat araw tayo'y ginagabayan Sa paglalakbay ay iniingatan. Mga ANGHEL SA LUPA, ating kaibigan Kapag may kailangan, sila'y maasahan Tulad ng Panginoon na di nang-iiwan Tunay na kaibigan magpakailan pa man. ~Cherrie Facun Dancel Source:  #Filipino_Poets_in_Blossoms

ni Rado Gatchalian  Subukan mong lakbayin ang bayang hindi pa nakikilala,  Subukan mong isulat ang isang kwentong wala pang pamagat,  Subukan mong suntukin ang buwan hindi dahil sa ikaw ay galit, kundi dahil ikaw ay umiibig,  Subukan mong pigilan ang daloy ng iyong dugo upang mabuhay ang isang naaagnas na kaluluwa,  Subukan mong isigaw ang pangalan ng iyong ama at ina, upang ipagdiwang ang buhay na meron ka,  Subukan mong hugasan ang iyong mukha sa batis upang makita mo kung sino ka,  Subukan mong ipikit ang iyong mata upang masilayan mo ang liwanag na nagtatago sa dilim,  Subukan mong bumalik sa iyong pagkabata subalit matutong magpatawad,  Subukan mong huminga nang malalim hindi dahil para sa iyo kundi para sa mga batang natutulog sa ilalim ng tulay,  Subukan mong manahimik para naman kahit isang saglit ikaw ay tunay na makarinig,  Subukan mong sumulat kung sino ka talaga, hindi dahil ito ang sabi ng lipunan kundi dahil ito ang gu...

Tula ni Jhake Morales  "Isang Talong Isang Sagot"        -Usapang Lalaki- Isang talong, isang sagot Bakit ka nagagalit pagtinawag na supot? Isang talong,isang sagot Sa asawa o sa magulang,saan ka mas takot? Isang talong,isang sagot Bakit kapag nahuhuli ka'y kumakamot? Isang talong,isang sagot Bakit kahit nahuli na'y pilit lumulusot? Isang talong,isang sagot Paano ka magalit pasigaw o pasimangot? Isang talong,isang sagot Ang babae o ang lalaki, sino ang mas mabilis makalimot? Isang talong,isang sagot Ano ang madalas mong ginagawa pagnakatalukbong ng kumot? Isang talong,isang sagot Bakit lagi kang may ticket ng bus sa bulsa na lukot? Isang talong,isang sagot Mamahalin mo parin ba 'yong asawa kahit balat ay kulubot? Isang talong,isang sagot Saan ka tumitingin, sa nasa loob o sa saplot? Isang talong,isang sagot Kung 'di ka responsable'y ano ang dulot? Isang talong,isang sagot Kung 'di mo iibigin bakit pinapaikot? @jhake morales 07/23/07 Photo from Google S...

Tula ni Joan Santillan Amurao #ISANG_TALONG_ISANG_TAHONG (Ang Sagot Sa Mga Tanong)  Nais ko pong ipagpauna Mga linya na inyong mapupuna sa inyo ay maaaring hindi nakakatuwa Kaya hiling ko po ay ang inyong pang unawa.  Ating simulan ang  taludturan Mula sa mga salitang tinuran Nitong ating mahusay na kaibigan Na Jhake Morales  ang ngalan.  Ang tanong sa nahihilong talong, "Bakit ka nagagalit pagtinawag na supot" Agad-agad ako man ay nalito sa supot, Halika at ang talong ay ating isupot.  "Sa asawa o sa magulang, saan ka mas takot?' Ipagpaumanhin, Hindi ko ito masasagot. Sapagkat hindi naman sila nakakatakot.  "Bakit kapag nahuhuli ka'y kumakamot?" ako ma'y nahuli pero hindi kumamot, Nagkataon lang na makati ang kuyukot.  "Bakit kahit nahuli na'y pilit lumulusot?" Walang pinag-iba sa sinulid na nais ilusot Nahuli mo na, pero ikaw mismo ang nagpalusot.  "Paano ka magalit pasigaw o pasimangot?" Depende sa sitwasyong ginawa ng asu...

Tula ni Cherrie Facun Dancel Huwag na huwag kang makikipag-away sa kapuwa Iyan ang palaging ipinapayo ng ama at ina. Huwag na huwag kang magsisinungaling sa magulang Magpaalam kung may pupuntahan para di mapagalitan. Huwag na huwag kang manglamang sa iba Ito'y gawain ng taong masama at mandaraya. Huwag na huwag kang sasagot sa matanda ng pabalang Upang mas nakababata sa iyo na nagmamasid ika'y igalang. Huwag na huwag kang gagawa ng pandaraya Para ikaw ay mabuhay ng maayos at malaya. Huwag na huwag kang nawawalan ng pag-asa Ito ang payo ng mabuting kaibigan sa nakilala. Huwag na huwag kang bibitaw sa kamay ng Maylikha Pag sulirani'y dumating, sasamahan at yayakapin ka Niya. Huwag na huwag kang hihinto sa paglikha ng tula Pagpapalakas loob ng manunulat nang talento'y mahasa. Source: Filipino Poets in Blossoms  🌸  July 24, 2021

Tula ni Dimple Lobo Corcina Opina Ang pagpapamilya ay ang pusod ng buhay ng pag-aasawa, Sa dahilang ito ang simula ng walang katapusang pagpahahalaga, Dito nasusukat ang tibay ng pagsasama, Kung saan ang haligi't ilaw ay magkakasangga. Ang pagpapamilya'y sumusuyod ng pagsisikap, Nagpapalawak ng pasens'ya at takbo ng utak, Dito'y binubuo ang pangarap na bukas, Dito'y tinitimbang ang gaan at bigat ng responsibilidad. Ang pagpapamilya'y tunay ngang katuparan, Kung bakit mayroong ligawan at kasalang namamagitan, Sa dalawang nilalang na nag-iibigan, Na nais mag-ani ng mga bungang pahahalagahan. Isang karangalan sa isang magulang, Na ang kanyang bunga'y mataba sa paggalang, Mayabong ang unawa sa bawat pangaral, N'yaong ama't inang hindi napapagal, Sa pagpupunyagi at pagbubungkal, Upang mga anak magkamit ng magandang buhay. Nasa ama't ina ang kaparaanan, Ng tamang pagpapalaki o pagpapa-ulayaw, Sa kanilang kamay doon nakasalalay, Ang hubog ng ugali at ...

Tula ni Dimple Lobo Corsino Opina Buto at balat ka na pagala gala, Bawat masalubong samo mo ay awa, Maanong tumanggap ng kukunting barya, Ngiti ang sisilay sa hapis mong mukha. Do'n sa bangketa kung makitang madalas, Hikahos kang tingna't damit mo ay butas, Habang nakaupo'y palad nakalahad, Sa mga nadaan, ay limos ang hangad. Katulad mo'y ibong walang madapuan, Mga puno't sanga'y ikaw ay nilisan, Iyong nilalakbay ang bawat lansangan, Inari mong yaman, ginawang tahanan. Kung saan abutin ng dilim sa gabi, Panlatag na banig pagal na sarili Ang hirap at sakit iyong tinitimpi, Pait ng paglunok ay mayro'n'g paghikbi. Sa gabing malamig kinukumot'y braso, Pilit niyayakap katawan mong hapo, Lubhang alumpihit pag-ihit ng ubo, Hirap mong paghinga ay halos mapugto.. Araw na dumaan laging binibilang, Malamlam mong mata may luhang nabalam, Sa buhay mong kapos piniling lumisan, Wala pa ring dangal hanggang kamatayan. ©DimpsKzie🌹 #Filipino Poets in Blossoms 🌸  Jul...

Tula ni Cherrie Facun Dancel Sa aking pag-iisa, nag-iisip kung ano ang magandang magagawa. Hahawak ng pluma, iniisip ay itatala upang makalikha na (ng) isang tula. Sa aking pag-iisa, nag-iisip kung ano ba ang tama. Maghanapbuhay ng maayos at huwag manglamang ng kapuwa. Sa aking pag-iisa, nagtatanong kung kailan uunlad ang Mahal kong bansa. Kung ang mga pulitiko ay hindi gumagawa ng katiwalaan (katiwalian), oo, uunlad nga ito ng kusa. Sa aking pag-iisa naiisip ang dumating na pandemya. Nakakalito, nakakakaba, nakakabahala. Pagtatapos kailan kaya? Sana nga'y malapit na. Sa aking pag-iisa, naaalala at binabalikan ang masasayang nakaraan. Napapangiti at napapatawa na parang nasisiraan ng bait kapag kalokohan ay sumasagi sa isip. Sa aking pag-iisa, naaalala ang malayo na pamilya. Kumusta na kaya sila?  Maayos kaya silang nakakakain at nakakapagpahinga? Sa aking pag-iisa, minamasdan mga taong sa kalsada dumaraan. Matuling naglalakad patungo sa bukid na pagtataniman. Sa aking pag-iisa, na...

Tula ni Crispulo Bacud Tappa Ang bunga ng pulo't gata, supling nagbigay saya. Sa mag-asawa'y isang malaking biyaya, sa paglaki nito ay kanilang inaruga. Ang isa ay naging labing-dalawa. Bunga ng labing-labing ng mag-asawa. Buhay sa bukid sila'y inaruga. Ang ama'y lubos  na nagsikap, kayod marino ang kanyang ginawa. Upang sila'y mabuhay ng sagana, sa biyaya ng Diyos sila'y umasa. Ang mga anak nama'y silay tulong-tulong. Sa gawaing bahay, si Ate ang nag-uurong. Si kuya nama'y sa ama sumasama Nagtutulangan sa bukid, magtanim ng punla. Sa ani nito'y sila lahat ay umaasa. Buhay sa bukid mahirap man ngunit masaya. Kakarampot man ang kita ito'y pagpapala. Malinis at walang bahid na pandaraya.  Ang mga anak iginapang  ng dakilang ama, upang ang  pangarap nila ay matupad na. O, anong ligaya ng ama't ina, isang libo't isang saya, makita ang mga anak na nagmamartsa,  sa entablado upang tanggapin ang diploma. Bitbit si ama at ina bilang pagpugay sa k...

Ni Jose Rizal I Kapagka ang baya'y sadyang umiibig  Sa kanyang salitang kaloob ng langit, Sanlang kalayaan nasa ring masapit  Katulad ng ibong nasa himpapawid.  II Pagka't ang salita'y isang kahatulan  Sa bayan, sa nayo't mga kaharian  At ang isang tao'y katulad, kabagay  Ng aling man likha noong kalayaan.  III Ang hindi magmahal sa kanyang salita  Mahigit sa hayop at malansang isda,  Kaya ang marapat pagyamaning kusa  Na tulad sa inang tunay na nagpala.  IV Ang wikang Tagalog tulad din sa Latin, Sa Ingles, Kastila at salitang anghel, Sapagka't ang Poong maalam tumingin  Ang siyang naggawad,  nagbigay sa atin.  V Ang salita nati'y tulad din sa iba  Na may alpabeto at sariling letra, Na kaya nawala'y dinatnan ng sigwa    Ang lunday sa lawa  noong dakong una. 

Paunang bungad ng makatang KU RIS Tapos na Ang Araw ng Kalayaan ngunit hayaan niyo akong ibahagi ang piyesa kong Ito. Panlulupig nga’y lumipas Panlulupig nga’y lumipas Sa hawla’y nakaalpas Malaya nang maipagaspas Pakpak ma’y punit at gasgas Ilang táong nakipagduwelo Sa mga dayuha’y nakipagpatintero Hanggang tuluyang tumalilis  Sa paniniil at hinagpis Anong galak sa puso’y namugad Mga sisiw hinanap, kaparanga’y ginalugad Ngunit bakit, pagtangis ang siyang bumungad? Inakay’ nakapiit, sa kasamaang palad. Inahing lanta, sa hilahil ‘di pa nakahinga Dalit ng kahapon pilit pang iniinda Umaaligid, lakas inihahanda Upang inakay, masagip— makawala. Ngunit sa paglibot kaniyang napaghulo Mangangaso’y kayumanggi, kakulay pa‘t kadugo  Waring isang balaraw, gumuhit sa yaring puso Bakit sa pag-uwi, sugat ang natamo? Sa dayuhan ma‘y nakaalpas, natuwa‘t nagwagi Ngunit sa sariling parang mga inakay’ nasawiKalayaan!  Kalayaan! hiyaw nitong labi Umaasang may makarinig— nagbabakasakali. Ngunit...

Paunang Salita: Ang mga talinhagang nakabalot sa bawat tula ay hindi kayang arukin ng lahat ng mambabasa.  Ito ay may mga katangian na may dulot aral at aliw. May  pumapasailalim ding mga kahulugan na nakatago sa puso ng  mga katagang gamit ng manunulat siya man ay makata o hindi. Karamihan sa mga tula na aking nabasa ay bunga ng isang panimdim ng may akda. (Blog Administrator) ➖💠➖💠➖ Pamungad Bati Ng May Akda Alay po para sa lahat nang naghahanap ng kasagutan sa pamamagitan ng tula. Samahan niyo po ako sa paglalakbay patungo sa kakaibang mundo ng mga nagsusumigaw na taludtod at kataga. (Isang Pagninilay sa Mundo at Alamat ng Tula) Ni Rado Gatchalian   1. Ang bawat isa ay makata. May nakatagong agimat gamit ang salita. Maging sa ating paggalaw ng katawan: may sukat ito. Sa ating pag-iisip at pananalita: mayroon itong taglay na tugma. Hindi man natin nakikita o naririnig, kusang lumalabas ang pagkamakata sa ating isip, galaw, at salita.   2. Ang ating pagkatao...