Tula Ni Myr Reyes E. Tejada Ang buhay ay isang hubad na regalo Sa atin iniwan pagbalot kung paano Sa makulay bang karton na may taling laso O sa isang luma at kusot na dyaryo Ikaw, paano mo ginawa ito? Dati’y ating utak, tasang walng laman Kung anong ilalagay sa atin iniwan Umaapaw, puno, o di kayay kaunti lamang Inilagay ba’y gamot, lason, basura o yaman Ikaw, ang tasa mo, ano ba ang laman? Isang pusong wagas sa atin binigay Ng Dakilang Lumalang nitong ating buhay Pagyamanin, ingatan, o yurak-yurakan Ipinagkatiwala sa ating mga kamay Ikaw, puso mo bay nakangiti o luhaan? Tayo ay binigyan libong pagkakataon Hinamong tumanggap o di sumang-ayon Inakay sa landas na dapat tunguhin Subalit malayang lumihis o sundin Ikaw, ang pinili mo ba ay alin? Ipinakilala din sa’tin ang lipad ng oras Gawing kaibigan o kaaway na Hudas Gamitin ng tama, inaksaya ba o iyong winaldas Sa iksi ng buhay sanay sinakyan ang pakpak Ikaw, saan nakarating iyong mga yapak? © Myr Reyes E. Tejada 06/08/2021 A translati...