Tula Ni Cherrie Facun Dancel  Kapag nangangailangan ng tulong At may isang taong sa iyo'y nag-abot Ng kayamanang sa panyo'y ibinalot Siya ay tunay na kaibigan. Kung may kinakaharap na matinding suliranin May taong sinamahan kang manalangin Ikaw ay sinamahan at hindi iniwanan Siya ay tunay na kaibigan. Kapag ikaw ay nalulumbay Siya'y nakaalalay at nagbibigay ng gabay Pinapasaya sa kwentong katatawaan Siya ay tunay na kaibigan. Kapag ikaw ay natitisod at nadadapa Sinasabihan kang "Sino kaya ang tanga?" Pinagtawanan, ngunit sa pagbangon ika'y tinulungan Siya ay tunay na kaibigan. Kapag nakakagawa ng kasalanan Sa Diyos humingi ng kapatawaran Nakahanda Siyang magpatawad kailanman Sapagkat Siya ay tunay na kaibigan.