Tula ni Ellen Retoma   Paano ipahahayag, paano susukatin Kaunlarang taglay , kayamanan angkin Ginto’t perlas na lantay  sa bansa natin Kung di sa bawat sambit   ng wikang angkin.   Wikang Filipino na  sandatang tunay Upang  sa lahat ay maipaalam Kung anu-ano an gating taglay Ang ating mga naabot na tagumpay.   Wikang salamin ng ating kaluluwa Ekspresyon upang sambiti’t ibalita Dunong at husay na taglay ng gunita Edukasyo’t aral handog ng Inang bansa.   Sa ating wikang pambansa  mababatid Konkretong batayan ng bawat nakamit Datos , istatistika at talang hatid Pinto ng impormasyo’y di mapipinid.   Ang Wikang Filipino  animo’y tanglaw Mula Luzon, Visayas at sa Mindanao, katutubo man, Ibanag at Ifugao Isyu’t kuro-kuro’y mabibigyang linaw   Wikang Filipino’y ating pagyamanin Sa bawat salinlahi itanyag’t buhayin Iwasang makuntamina , huwag bababuyin Gamitin ng wasto at paunlarin.   Kung wala ang wika kaunawaan ay di klaro M...