Humihingi po ng Pahintulot na ipaskil.  "PINTO NG PAGSUBOK" (Paglilingkod ng kusang-loob) Ni:Dorie Reyes Polo  Pag-ibig sa Bayan di kayang ikubli Sa munting paraan maglingkod sa kalahi Tatagan ang loob hinaho'y maghari Ang inaasahan kung minsan ay mali. Pinto sa paligid ay nagkakailan Alin ang pipiliin at nais puntahan Sa landas na tama mahirap na daan Dahil mag-isa kang, dapat manindigan Marami sa tao ay sobrang talino Nais pumusisyon ayaw trumabaho Makapal ang apog, at wala pang modo Ugali ay lason, matigas ang ulo. Nais saklawan ang lahat ng bagay Kanyang kagustuha'y ay hindi na normal Maglubid ng buhangin ay sanay na sanay Ang katotohanan ay binabaligtad. Nakakapagtaka, may karismang bahag Sa kayabangan, ay may nahihinlak Walang pakundangan kung Ika'y mawasak Basta't ang gusto n'ya ang isasambulat.  Kailan gigising ang manhid na lupon Kailan mumulat ang bulag na kampon Sayang ang huwisyong sa yabang nabaon Bakit kokonsentihin ang lintang umusbong.  Pin...

Tula ni Dorie Reyes Polo Makulay na katutubong sayaw ng mga Maranao, Sa Lanao Del Sur. Mindanao. Balik-tanaw  " SINGKIL " Para sa akin  Sa bawat salpok ng apat na kawayan Tunog ay ritmong kay sarap indakan Sa unang yugto, alalay sa dalang, Dahan-dahang ginising ang dugo ko't laman. Pag padyak ng paang may taling kulingling Maghanda na kayo ang ibig sabihin Ingay ng kalangsing hindi malilihim Hudyat na kawayan umpisahang pukpukin.  Tila ba indayog ang saliw ng ingay May bilang at tiempo, dapat sabay-sabay Paa'y kong mabilis, sa padyak ay uhaw. Ramdam ko'y Prinsesang "di mahapayang gatang"! Kaya't palakpakan, naranasan ko na, Tuwa ng puso ko'y hindi maipinta Mabuti't maliksi noong ako'y bata pa. Hindi nakaranas, maipit ang paa. 💪🤪🥰💖🍀 Reserbadong lahat ng karapatan @DRPolo Agosto 25, 2021 Kwentula ni: Dorie Reyes Polo Source: FB  By  Permission