Nagkita at umibig sa isa't-isa  Nag sumpaan na mamahalin ang bawa't isa  Lupa at langit man ang kanilang pagitan Langis at tubig sila'y naturingan.  Si Nanay ay napadayo sa malayong pulo  Nang kanyang mga magulang ay kapwa yumao  Si Tatay ang naging kadaup-palad  Sa nakalunos buhay, sila'y mga sawim-palad. Kakatwa ang kanilang pagkakilala  Sa usapan sila'y may kanya-kanyang wika. Paano kaya sila nagkaka-intindihan Habang mga puso'y nagkaunawaan? Sa pagsasama'y hindi kinulang ng mga paghamon.  Ang buhay ay tigib ng pagsubok tulad ng dagat na maalon.  Sa bilis ba ng panahon habang ito'y nagpa-ikot-ikot; Binigkis na mga puso, di naka-iwas sa  bagyong masalimuot.  ©Leah C. Dancel Copyright@2021 All rights reserved  August 20, 2021 SH-Australia  Filipino Poets in Blossoms 🌸  Tema sa Ikatlong Linggo ng Wikang Filipino: Bigkis Magkakalayong Pulo (NB: Ito'y katuwaan lang at di kasali sa paligsahan.)