KAPWA KO, MAHAL KO

Repost from Rado Gatchalian
The FILOsopher 



Kapwa Ko, Mahal Ko
(Para sa mga OFWs)
Sa panulat ni Paolo Vernall

Sa mundo ng magulong buhay
Darating ang mga taong hihingi ng saklolo
At akala mo ay kaibigang tunay
Subalit lahat pala ay panloloko.

Ilalahad ang kanilang mga pagsubok
Ang hugot at dramang pupukaw sa iyong puso
At ikaw namang ang dibdid ay marupok
Yayakapin sila at ang pag-ibig ay ibibigay nang buo.

Hanggang dumating ang isang araw
Ng rebelasyong ikagugulat mo
Ang lahat-lahat pala ay pawang kasinungalingan
At biglang parang pasan mo ang mundo.

Hindi mo akalaing ang tulong na inalay
Ay harapang pagsakal sa iyong pagkatao
Sisipsipin ang kahuli-hulihang patak ng dugo
Hanggang sa di mo namamalayang wala ka ng buhay.

At kung wala ka nang maibigay
Ang lahat ng mga kaibigang iyong inakay
Ay unti-unting nawawala sa kapaligiran
At nakalulungkot na tuluyan kang iniwan.

Dahil sa iyong kahinaang maawain
Kinurot nila ang iyong pusong banal
Pinaglaruan ang iyong kamay na nakikiramay
At hindi mo akalaing sila pala ay sakim.

Wala namang masama sa pagiging matulungin
Subalit ang iyong sarili ay wag mong kalimutan rin
Sa lahat ng binigay mong panalangin
Ipagkaloob mo rin sa iyo ang pag-ibig na giliw.

Matutong maawa rin sa sarili mong nag-iisa
Dahil sa oras na ikaw naman ang manghina
Harinawa’y may magbibigay din sa iyo ng kalinga
At ikaw naman ang aakayin nila.

Subalit kung hindi man, isipin mo na lang
Ang pagmamahal na handog sa iyong abang kapwa
Ay mananatili hanggang sa iyong kamatayan
At ang kaligayahan ay ang iniwang magandang alaala.

#KapwaKoMahalKo
#Tula
#OFW
#PaoloVernall

Popular posts from this blog

DALAMPASIGAN SA PANUBIGAN

Image
Tula ni Jeremiah Chavez Eufemio DALAMPASIGAN SA PANUBIGAN Sa lagaslas ng dalampasigan  Doon ko natagpuan ang kapayapaan Hatid ng hampas ng mga alon At banayad na init ng dapit hapon. Sa mga puting buhangin ng Panubigan Doon ko natagpuan ang karangalan Sa matapat na araw ng pangingisda Nang dumaong ang kanilang bangka sa dalampasigan Salat man sa karangyaan ng modernong pamumuhay Sagana naman sa kasiyahan at kapayapaan Kay gandang pagmasdan, kay sarap balikan Ang dalampasigan sa Panubigan. Copyright @Jeremiah Chavez Eufemio  (2021) Sent 15 February 2024
Read more

VACCINES OF DEATH

Image
Lifted from Ed Alunan COVID VACCINES (MODERNA, ASTRAZENECA, PFIZER) --- MORE DETAILS BELOW !!! By Robert Kennedy Jr 1. All covid vaccines from the West are manufactured by US military contractors 2. And then branded and sold as either pfizer, moderna, astrazeneca, etc. IMPLICATION: ALL COVID VACCINES FROM THE WEST ARE BIOWEAPONS 3. LATER: Will upload US congressional hearings on covid vax and covid virus origins to support the claims. 2024-06-17 =========== Robert F. Kennedy Jr. details how the NSA was in charge of Operation Warspeed's COVID-19 mRNA vaccines, the history of the United States bioweapons program, and why Anthony Fauci is the highest-paid government official in history: "The weird thing about the pandemic was this constant involvement by the CIA, the intelligence agencies, and the military. When Operation Warp Speed made its presentation to the FDA committee called VRBPAC. When Warp Speed turned over the organizational charts that were classified at the time, it
Read more

Bakit Nakatungó Ang Uhay Ng Palay

Image
Tula ni Rosario Caristea Aka Rio Ramillo  Bakit Nakatungó Ang Uhay Ng Palay Nakatungo akong hindi nahihiya, Kundi sinisinop ang para sa madla, Sapagkat batid kong sa aking aruga, Laging umaasa ang bawat sikmura. Nakatungo ako sa paáng maugat, Siya at ang ako’y laging nag-uusap, Upang alagaan ang butil ng bigas, Na syang magtatawid sa bitukang humpak. Nakatungo ako sa luwad na tigang, Matapos maiga ang nagpálang linang, Laging sumasamo sa sangkalangitang, Huwag ilalakas ang buhos ng ulan. Nakatungo akong may bagbag na puso, Na nakaririnig ng inyong pagsamo, Aking hinahamak ang pagkakalugso, Nang walang hiningang sa gutom mapugto. Nakatungo ako sa araw at gabi, Kahit dinadagil ng mga tutubi, Sapagkat ang minsang malingat nang kási, Nangangahulugang gútom sa marami. Nakatungo akong kapára ng buntis Na nasa kagampang, bigat tinitiis, Aking binabatá ang gintong pasakit, Nakatungo ako dahil umiibig! ~Rosario Caristea BIGKIS NG PANITIK
Read more