BANDILA NG PAGMAMAHAL sa INANG BAYAN

Kwento Ni Duoi Ampilan July 3, 2022 BUTIL Pagtilaok ng manok sa pagputok ng bukang-liwayway ay gising na si Bapa Abas.  Halos hindi natulog ang matanda. Malalim ang iniisip at halatang may dinaramdam. Malungkot ang matanda dahil sa araw na iyon ay lilisan ang panganay na anak, si Musa.  Si Musa ay panganay sa anim na magkakapatid at katatapos lang ng kanyang pag-aaral sa kursong Business Administration. Ang dalawang nakababatang kapatid ni Musa ay katuwang ng ama sa bukid. Dalawa ang nag-aaral sa elementarya at isa ay musmos pa.  Ang dalawang katuwang ng matanda sa bukid ay hindi na nag-aaral dahil kailangang tumulong sa paghahanap-buhay para sa pangangailangan ng pamilya at pag-aaral ng mga kapatid. Si Musa ay lilisan upang hanapin ang kapalaran sa kalunsuran. Tatalikuran nya ang lupang nagpaaral sa kanya. Hihiwalay na sa kanyang pamilya. Masakit man sa kalooban ng matanda na lilisan ang anak ay walang magagawa. Aasa na lang na maging matagumpay si Musa. Pagyayamanin ng matanda ang lu

Tula ni Rebecca Adjie Tarog Canon Dalagang Filipina Dalagang kayumanggi ang kanyang tatak Mahaba ang buhok at siya'y matangkad Mahinhin kumilos may pusong busilak kanyang ipinagmamalaki at itinatanyag Lampas tuhod ang damit na nakasuot  Natatakpan ang katawan balot na balot Ang mahabang buhok laging nakapusod Wow na wow tingnan kung nakatalikod Dalagang Filipina may puri at dangal Ipinaglalalaban ito kahit saan at kailan Hindi into isusuko maging kamatayan Maging kapalit nito kaparusahan pa man Dalagang Filipina kung may mangingibig Kahit may gusto tinatago niyang pilit Bawal ang dampi o kahit isang halik Hanggang hindi natatalian ng papeles Dalagang Filipina palaging nasa bahay Hindi gumagala kahit saang pasyalan Kung mayroong lakad alam ng magulang May respeto siya sa lahat lalo katandaan Zoraya Pilar,Sorsogon Philippines